క్రికెట్ ప్రపంచంలో దేవుడు ఎవరు?

ఈ టైటిల్‌ను సంపాదించడానికి ఆయన చేసిన కృషి ఏమిటి ?

ముంబై వీధుల్లో క్రికెట్ బ్యాట్ పట్టుకొని ఆడిన ఒక బాలుడి నుంచి ఈనాడు క్రికెట్ దేవుడిగా మారిన సచిన్ టెండూల్కర్ ప్రయాణం - ఉత్సాహం, పట్టుదల మరియు అపారమైన ప్రతిభకు నిదర్శనం.

అంతర్జాతీయ క్రికెట్ లో 100 సెంచరీలు సాధించిన మొట్టమొదటి క్రికెటర్ సచిన్. ఈ ఘనతని ఇంతవరకు ఇంకా ఎవరూ సాధించలేకపోయారు. అలాగే, టెస్ట్ క్రికెట్లో (15,921 పరుగులు) మరియు వన్ డేలలో (18,426 పరుగులు) అత్యధిక పరుగులు సాధించిన ఘనత టెండూల్కర్ ది. క్రికెట్ రంగంలో ఆయన పోషించిన పాత్ర, కేవలం పరుగులు సాధించడం మాత్రమే కాదు, ఆ పరుగులు, భారత్ కు ఎన్నో విజయాలు సాధించడంలో కీలక పాత్రను పోషించాయి. అటువంటి విజయాల్లో 2011 ఐసీసీ వరల్డ్ కప్ కూడా ఒకటి. ఆ సమయంలో అతని జట్టులోని సహచరులు అతన్ని తమ భుజాలపై ఎత్తుకొని, ఆయన ప్రతిష్టాత్మకమైన కెరీర్ కు నివాళులు అర్పించారు.

ఈ ఘన విజయాలు సచిన్ కి "మాస్టర్ బ్లాస్టర్" వంటి బిరుదులను సంపాదించిపెట్టడమే కాకుండా, క్రికెట్ ప్రపంచంలో దేవుడిగా అతని స్థాన్నాన్ని స్థిరపరిచాయి.

సచిన్ కెరీర్ లోని రికార్డులు మరియు మైలురాళ్ళు

సచిన్ టెండూల్కర్ యొక్క కెరీర్ రెండు దశాబ్దాలకు పైగా నడిచింది. ఈ సమయంలోనే ఆయన బ్యాటింగ్ కి సంబంధించిన ప్రతీ రికార్డును చేధించారు. ఆయన సాధించిన కొన్ని అసాధారణమైన మైలురాళ్ళు క్రింద పొందు పరచడం జరిగింది.

1. 16 ఏళ్ల వయసులో అరంగేట్రం: సచిన్ 1989లో పాకిస్తాన్‌తో జరిగిన మ్యాచ్‌తో తన అంతర్జాతీయ కెరీర్‌ను ప్రారంభించాడు. ఆ కాలంలో అత్యంత భీకరమైన బౌలింగ్ దాడులకు నెలవైన పాకిస్తాన్తో నిర్భయంగా ఆడి, తన ప్రతిభను ప్రదర్శించాడు.
2. 1998 డెసర్ట్ స్టార్మ్ ఇన్నింగ్ లు: షార్జాలో ఆస్ట్రేలియాకు పోటీగా ఆడిన ఆటల్లో, ఒకటి తర్వాత ఒకటి సచిన్ చేసిన సెంచరీలు, తీవ్రమయిన ఒత్తిడిలో కూడా అత్యుత్తమ బ్యాటింగ్ కనపరిచిన ప్రదర్శనలుగా పరిగణించబడతాయి.
3. ఓడిఐ డబుల్ సెంచరీ: ఓడిఐలలో, డబుల్ సెంచరీ చేసిన మొట్టమొదటి ఆటగాడు, టెండూల్కర్. ఈ విజయం క్రికెట్ చరిత్రలోనే తిరుగులేని ఒక మైలురాయిగా నిలిచిపోయింది.
4. 2011లో వరల్డ్ కప్ విజయం: ఆరు సార్లు వరల్డ్ కప్ లో పాల్గొన్న పిమ్మట, చివరకు 2011లో, వరల్డ్ కప్ ఎత్తి, సచిన్ తన జీవిత కాల కలను నెరవేర్చుకున్నాడు.

పరుగుల తెర వెనుక ఉన్న మరో మనిషి

టెండూల్కర్ యొక్క ఉన్నతమయిన ప్రతిభ, ప్రభావం కేవలం గణాంకాలకు మాత్రమే పరిమితం కాలేదు. తన వినయమూ, క్రమశిక్షణతో, ప్రపంచవ్యాప్తంగా ఎంతో మంది యువ ఆటగాళ్లకు ఆదర్శప్రాయంగా నిలిచారు. అపారమయిన కీర్తిని గడించినా, ఎంత ఎత్తుకు ఎదిగినా, టెండూల్కర్ ఎప్పుడూ ఒదిగే ఉండేవారు. తన నిరంతర కృషి మరియు ఆట పట్ల తనకున్న అపారమయిన ప్రేమ వల్లనే తాను విజయం సాధించగలిగాను అని చెప్పుకొచ్చేవారు.

టెండూల్కర్ యొక్క వ్యక్తిగత జీవితం, అతని ఉన్నతమయిన విలువలను ప్రతిబింబిస్తుంది. పిల్లల వైద్యురాలైన అంజలి టెండూల్కర్ ను పెళ్లి చేసుకున్న సచిన్, ఎప్పుడూ కుటుంబానికి అంకితమైన గృహస్థుగా ఉన్నారు. క్రీడా పరిధి వెలుపల, ఆయన ఎందరో పేద పిల్లలకు విద్య మరియు ఆరోగ్య సంరక్షణను అందించే స్వచ్చంధ కార్యకలాపాలలో చాలా చురుకుగా పాల్గొన్నారు.

క్రికెట్ లో క్రొత్త "గాడ్ అఫ్ క్రికెట్" ఎవరు?

2013లో సచిన్ రిటైర్ అయిన తర్వాత, అతని వారసుడుగా ఎవరు ముందుకు వస్తారా అని క్రికెట్ ప్రపంచం ఊహాగానాలు మొదలుపెట్టింది. "క్రికెట్ రాజు" గా పిలువబడే విరాట్ కోహ్లీ, ఆధునిక గొప్ప ఆటగాడిగా ఎదిగాడు. దూకుడైన బ్యాటింగ్ శైలితో, నిలకడైన ప్రదర్శనలతో మరియు మంచి నాయకత్వ లక్షాణాలతో, విరాట్ కోహ్లీ వివిధ ఫార్మాట్లలో, అద్భుతమైన పరుగులు మరియు శతకాలు రాబట్టారు.

విరాట్ కోహ్లీ యొక్క ఆట అద్భుతంగా ఉన్నప్పటికీ, టెండూల్కర్ సాధించిన భావోద్వేగ సంబంధాన్ని మరియు సాంస్కృతిక ప్రభావాన్ని ఎవరూ దాటలేకపోయారు. చాలామందికి, సచిన్ కేవలం ఒక ఆటగాడు మాత్రమే కాదు; ఆయన ఒక సంచలనం. తరతరాల క్రికెట్ ప్రేమికులకు మధ్య ఒక అనుసంధానం.

సచిన్ తెందూల్కర్ యొక్క వారసత్వం ఎందుకు కొనసాగుతుంది?

"గాడ్ అఫ్ క్రికెట్" అనే బిరుదు, ఆయనకు కేవలం గణాంకాల వల్ల వచ్చిన గౌరవం కాదు. అది ఆయన తన అభిమానుల్లో కలిగించిన ప్రేమ మరియు ప్రేరణ వల్ల. క్రికెట్ అనే క్రీడ అప్పుడప్పుడే అభివృద్ధి చెందుతున్న కాలంలో టెండూల్కర్ ఆడారు. ఆయన యొక్క కృషి, ఆధునిక భారత క్రికెట్‌ను రూపొందించడంలో సహాయపడింది. ఎంతో ఒత్తిడిలో కూడా మంచి ఆటను ప్రదర్శించినందుకుగాను, ఆయన లక్షలాది భారతీయులకు ఆశాదీపంగా మారారు.

ఇప్పటికీ, శుభ్మన్ గిల్ మరియు పృథ్వీ షా వంటి యువ క్రికెటర్లు అసాధారణమైన సామర్థ్యాన్ని ప్రదర్శిస్తున్నప్పుడు, వారిని తరచూ టెండూల్కర్ తో పోలుస్తారు. కానీ ప్రస్తుతానికి, ఆయనే అఖిల ప్రపంచ క్రికెట్ ప్రమాణం.

ముగింపు : ఒక టైంలెస్ గాడ్

నిరంతర పోటీ మరియు అభివృద్ధిపై ఆధారపడిన క్రికెట్ఆటలో, సచిన్ టెండూల్కర్ ఒక కాలాతీత చిహ్నంగా నిలుస్తారు. ఆయన సాధించిన ఘన విజయాలు, ఆయన వినయం, మరియు ప్రపంచవ్యాప్తంగా అభిమానులకు ఆయన ఇచ్చిన ఆనందం కారణంగా ఆయన ఎప్పటికీ "గాడ్ అఫ్ క్రికెట్"గా గుర్తించబడతారు. ఈ ఆటలో కొత్త యువ ఆటగాళ్లు ఎందరు వచ్చినా, టెండూల్కర్ యొక్క వారసత్వం మరియు ఆయన పేరు ఎప్పటికీ అత్యుత్తమంగా నిలిచిపోతుంది.

ప్రసిద్ధ క్రికెటర్ 'సర్ డాన్ బ్రాడ్‌మన్' మాటల్లో, "అతను నన్ను నాకు గుర్తుకు వచ్చేలా చేస్తాడు." ఈ వాక్యాలు ఒక అపూర్వమైన గుర్తింపుగా భావించకుంటే, ఇంకా ఇంతకు మించి ఏముంటుంది?